Avtokólikpen júk tasymalyn 8 tonnadan asyrmaý týraly shekteý kólik qyzmetiniń qymbattaýyna soqtyrmaq
ASTANA. 14 maýsym. QazAqparat - Búgin Astanada ótken baspasóz máslıhatynda avtkólikpen júk tasymaldaıtyn kompanııalardyń ókilderi joldarda júk tasymalyn 8 tonnadan asyrmaý týraly shekteý kólik qyzmeti men qurylys jumystarynyń qymbattaýyna jol beredi dep málimdedi.
«Atap aıtqanda, avtokóliktermen joldarda 8-10 tonnadan asatyn júkterdi tasymaldaýǵa shekteý qoıylǵan. Al búginde júk tasymalynda 20-25 tonna júkti tasymaldaýǵa qaýqarly kólikter bar»,-dedi «Marınchýk» kólik kásipornynyń basshysy Sergeı Marınchýk.
Onyń sózine qaraǵanda, kólikterdiń atalǵan sanaty bul qaýly aıasynda eskerilmeı otyr, endi osy avtokóliktermen júk tasymaldaýshylar zańnamadan tys qalýda.
«Atalǵan kóliktermen júk tasymaldaıtyn kompanııalardyń jumysynsyz kez kelgen qalaǵa qıynǵa túsedi. Sebebi, qurylys jumystarynda osy qyzmettiń túri óte qajet. Bul máseleni zańnamalyq túrde sheshý kerek, óıtkeni bul qurylys jumystaryn tejeıtin bolady. Bul sanatqa jatatyn kólikterdi erekshe kategorııa dep ataýǵa bolady. Olar júk tasymalyn jergilikti jerlerde, ıaǵnı qala mańyndaǵy 40-50 shaqyrym aralyǵynda tasymaldy júzege asyrady. Sondyqtan da bizge 1000-1500 shaqyrymǵa sozylatyn joldarda tasymal jasaý kerek emes. Óıtkeni, bizdiń tasymaldar 50 shaqyrym qashyqtyqtan aspaıdy»,-deıdi ol.
S. Marınchýtiń aıtýynsha, bul kólikter negizinen qurylysqa qajetti qum, beton sekildi zattardy jetkizýmen aınalysady.
«Bul saladaǵy árqaısymyzǵa qaýlyǵa sáıkes 3 bilikti avtokólikpen 8 tonna ǵana júk tasymaldaý týraly uıǵarym tapsyryldy. Al osy kólikterdiń júk kóterý qýaty 25 tonnaǵa sáıkes keledi. Osy kólikterdi biz tabys jasaıdy dep alǵan bolatynbyz»,-dep atap ótti ol.
Onyń paıymdaýynsha, bul máseleni sheshý úshin júk kóterimdiligi joǵary joldar salyp, iri kólemdi kóliktermen aýyr júk tasýǵa ruqsat etilýi kerek. Sebebi, atalǵan shekteý aıasynda elimizdegi barlyq aýyr júk tasymalyndaǵy kólikter zańsyz júrgen bolyp tabylady.
Óz kezeginde, Májilis depýtaty Nurlan Jazylbekov Qazaqstandaǵy joldardyń qurylysy aýyr salmaqtaǵy avtokólikter júre alatyndaı standarttarǵa sáıkes bolýy tıis ekenin atap ótti.
