Avtokólikke artyq júk tıegender aıyppul tóleıdi
ASTANA. 28 qarasha. QazAqparat - Kólikti baqylaý komıteti jumysynyń qorytyndylary boıynsha aǵymdaǵy jyldyń 10 aılyq merziminde tekserilgen karerlik avtokólik quraldarynyń 2227-inde aýytqýlar tirkelgen.
QR KKM Kólikti baqylaý komıtetiniń tóraǵasy Aset Asavbaev karerlik júkterdi tasymaldaýshylardyń eń basty problemasy salmaq mólsherin buzý ekenin belgiledi.
«Avtomobıl kóligi týraly» QR Zańyna engizilgen júk jóneltýshiniń ákimshilik jaýapkershiligin eskeretin ózgertýler osy jyldan bastap jumys isteıdi: «ıAǵnı biz buryn salmaǵy artyq avtokólik quraldarynyń ıelerin ǵana jazalasaq, endi aıyppuldy júkti sanaly túrde artyq tıegender de tóleıdi», dep aıqyndady ol.
Osylaısha, karerlik júkti artý kezinde salmaq mólsherinen asyp-túskeni úshin 4 aı ishinde 45 júk jóneltýshi ákimshilik jaýapkershilikke tartyldy.
«Avtomobıl kóligi týraly» QR Zańyna engizilgen ózgeristerge sáıkes elde artyq salmaqpen júrgeni úshin ákimshilik aıyppuldar kólemi úlkeıtildi: jeke tulǵa jáne jeke kásipker úshin aıyppul mólsheri - 200 AEK, al kishi jáne orta kásipkerlik sýbektilerine - 500 AEK, iri kásipkerlik sýbektileri bolyp tabylatyn zańdy tulǵalarǵa - 1000 AEK.
Odan basqa, ózgeristerge sáıkes júk jóneltýshi avtokólik quralyna júk artqanda salmaq mólsherlerinen asyp-túskeni úshin jeke tulǵa jáne JK 10-nan 15-ke AEK, kishi jáne orta kásipkerlik sýbektileri - 30-dan 50-ge deıin AEK, iri kásipkerlik sýbektileri bolyp tabylatyn zańdy tulǵalarǵa - 80-nen 100-ge deıin AEK aıyppul qózdelgen, dep habarlady QR Kólik jáne kommýnıkatsııa mınıstrliginiń baspasóz qyzmetinen.
