Avtokólik júrgizýshileriniń 85 paıyzy Astana joldarynda quqyqtyq tártip jaqsardy dep esepteıdi

Elordada Jol polıtsııasynyń qyzmetkerleri men «Nur Otan» HDP-niń ókilderi ótkizgen saýalnamanyń nátıjesi osyndaı, dep habarlaıdy QazAqparat ІІD-niń Jol polıtsııasy basqarmasynyń baspasóz qyzmetine silteme jasap.

Astana qalalyq Jol polıtsııasy basqarmasynyń baspasóz qyzmeti málim etkendeı, Mamyrdyń 19-y kúni Astanada ótken «Joldaǵy qabyldaý» aktsııasy aıasynda úgit-túsinik toby halyq arasynda jol qozǵalysy erejesin saqtalýyna qatysty saýalnama júrgizdi.

Jol qaýipsizdigin qamtamasyz etý baǵytynda qolǵa alynyp jatqan ıgilikti jumystar nátıjeli bolǵandyǵyn alǵa tartyp, joldardaǵy quqyqtyq tártiptiń áldeqaıda jaqsarǵandyǵy jóninde 85 paıyz respondent jaýap bergen. 2 paıyzy - bul pikirmen kelispeıtindikterin aıtty. Al 13 paıyzy - joldaǵy tártip deńgeıi burynǵy qalpynda dep esepteıdi.

Sonymen qatar, saýalnamaǵa qatysqandardyń 47 paıyzy Jol polıtsııasy qyzmetkerleri joldaǵy apattyq jaǵdaıdyń ońalýyna, azaıýyna áser etedi dep otyr. Al 47 paıyzy olaı oılamaıtyn bolyp shyqty. Qalǵan 6 paıyz respondenttiń jaýaby boıynsha, polıtseıler barlyq kezde emes, keıbir sátterde ǵana jaǵdaıdyń jaqsarýyna áser etedi dep jaýap qaıyrǵan.