Avtokólik ıelerin aıyppuldy kezeksiz tóleýge úıretedi - Baılanys jáne aqparat mınıstrligi
ASTANA. 19 shilde. QazAqparat - 19-22 shilde aralyǵynda bir mezgilde Qazaqstannyń tórt qalasynda - Astana, Almaty, Qaraǵandy jáne Petropavl qalalarynda - avtokólik ıelerine aıyppuldy kezeksiz tóleýdi úıretý aktsııasy ótedi, dep habarlaıdy Baılanys jáne aqparat mınıstrliginiń baspasóz qyzmetinen.
Aktsııa barysynda QR ІІM Jol polıtsııasy basqarmasynyń tirkeý-emtıhan bólimderine kelgen avtokólik ıeleri jol qozǵalysy erejelerin buzǵany úshin salynǵan aıyppuldy Internet arqyly tóleý múmkindikteri týraly aqparat alyp, «elektrondyq úkimet» portalynyń kómegimen kezekte turmaı-aq, aıyppul tóleýdiń joldarymen tanysady.
Bul sharany QR Іshki ister mınıstrliginiń qoldaýymen «Ulttyq aqparattyq tehnologııalar» AQ, QR Baılanys jáne aqparat mınıstrligi men «Zerde» Ulttyq ınfokommýnıkatsııalyq holdıngi» AQ uıymdastyryp otyr.
«Elektrondyq úkimettiń» JQE buzǵany úshin jol polıtsııasy qyzmetkerleri belgilegen aıyppuldy tóleý qyzmeti ótken jyldyń qarasha aıynan bastap elimizdiń barlyq aımaǵynyń turǵyndary úshin qoljetimdi. Búgingi kúni tólemniń atalǵan túri boıynsha www.egov.kz portaly arqyly bıýdjetke 1 250 000 astam teńge tústi.
Aıyppuldy «onlaın» tártibinde tóleý úshin júrgizýshi kýáligi ne bolmasa ákimshilik buzýshylyq týraly hattama málimetterin (blank serııasy, nómiri, JQE buzǵan kúni) www.egov.kz portalyndaǵy arnaıy jolaqta kórsetý qajet.
Aıyppuldy Visa nemese Mastercard tólem kartochkalarynyń kómegimen tóleýge bolady. Elektrondyq tólemniń tıimdiligi, birinshi kezekte, aıyppuldyń ótelgeni týraly aqparat birden ІІM Jol qozǵalysy erejesin buzý týraly ortalyqtandyrylǵan derekter qoryna kelip túsedi. Osydan keıin aıyppul ótelgen bolyp esepteledi.
Aıyppuldy ótegennen keıin qoldanýshyǵa elektrondyq chek beriledi. Ol qoldanýshynyń elektrondyq úkimet portalyndaǵy jeke kabınetinde saqtalady.
Qajet bolǵan jaǵdaıda ne bolmasa buryn alyp qoıǵan júrgizýshi kýáligin qaıtaryp alý úshin ony basyp shyǵaryp, ishki ister organdarynyń jol polıtsııasy bólimine kórsete alasyz.
Jaqyn kúnderi «elektrondyq úkimet» portalynda beınebaqylaý júıelerinde tirkelgen JQE buzǵany úshin ákimshilik aıyppuldardy «onlaın» tóleý qyzmeti usynylady.
