Avtokólik Buqtyrma sý qoımasynda muz jaryǵyna túsip ketti
ÓSKEMEN. QazAqparat - Shyǵys Qazaqstan oblysynda qutqarýshylar Buqtyrma sý qoımasynda tereńdigi 70 santımetrlik muz jaryǵyna túsip ketken kólikti alyp shyqty, dep habarlaıdy «QazAqparat» HAA tilshisi ShQO TJD-ǵa silteme jasap.
Oqıǵa Zyrıan aýdanynda tún mezgilinde bolǵan. Úsh jigit mingen «Haılander» kóliginiń aldyńǵy dóńgelegi sý qoımasyndaǵy muz jaryǵyna túsip ketken. Jaǵaǵa deıin 1 shaqyrym qashyqtyq bolǵandyqtan, olar qutqarýshylardyń kómegine júginýge májbúr bolǵan.
TJD mamandary túngi úshter shamasynda kómekke kelip, jolaýshylardy Jańa Buqtyrma kentine jetkizdi. Kólikti muz oıyǵynan súırep shyǵarýǵa kómektesti.
ShQO TJD qyzmetkerleri turǵyndardy muz ústine shyqqanda saq bolyp, qarapaıym qaýipsizdik erejelerin saqtaýǵa shyqyrady.
