Avtokólik apatynan tanymal ánshi Baqyt Jumadilov qaıtys boldy
ALMATY. Naýryzdyń 4-i. QazAqparat /Názıra Eleýhan/- Búgin avtokólik apatynan tanymal qazaqstandyq mýzykant, ánshi, «Dos-Muqasan» ansambliniń negizin qalaýshylardyń biri Baqyt Jumadilov qaıtys boldy,
dep habarlaıdy QazAqparat.
Onyń janynda bolǵan áriptes dosy Dosym Súleev aýyr jaǵdaıda aýrýhanada jatyr. Qazaq estrada ónerin damytýǵa aıryqsha úles qosqan eki dos ań aýlaýdan qaıtyp kele jatqanda, Qordaı asýynda kólik apatyna ushyraǵan. Bul qaıǵyly oqıǵa búgin tańerteń oryn alǵan.
Baqyt Jumadilov rólinde otyrǵan Land Krýzer 100 avtokóligi birneshe ret aýdarylyp, ánshi apat bolǵan jerde kóz jumǵan.
Marqumdy sońǵy saparǵa shyǵaryp salý rásimi Almatynyń Ortalyq kontsert zalynda, senbi kúni, saǵat 11-de ótedi, dep habarlady týystary.
