Avtokóligimen kanalǵa túsip ketken júrgizýshi qaza tapty - BQO
ORAL. QazAqparat – Batys Qazaqstan oblysynda júrgizýshi avtokóligimen kanalǵa túsip ketip, qaza tapty, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, qaıǵyly oqıǵa 31 qazan kúni Aqjaıyq aýdanynda boldy.
Saǵat 17.00 shamasynda 33 jastaǵy júrgizýshi «Folksvagen Golf-2» avtokóliginiń rýline ıe bola almaı, Býdarın kanalyna túsip ketken.
Sodan keıin avtokólikten shyǵa almaı, kóz jumǵan.
Marqumnyń denesi sýdan shyǵarylyp, sot-medıtsınalyq saraptama jasaý úshin Oral qalasyndaǵy máıithanaǵa jiberildi.
Eske sala keteıik, budan buryn Oralda áıeldi katermen qaǵyp óltirgen jasóspirimge qatysty sot úkimi shyqqanyn jazǵan bolatynbyz.
