AvtoHQO-da ústelge túkirgen almatylyq áıel jaýapqa tartylatyn bolady
Almatyda mamandandyrylǵan Halyqqa qyzmet kórsetý ortalyǵynda qyzmetkerdiń ústeline túkirip jibergen áıel zań aldynda jaýap beretin bolady, dep habarlaıdy QazAqparat tilshisi.
HQO-da túsirilgen vıdeo áleýmettik jelide tarady. Onda áıel kezekti uzaq kútip turǵanyna narazylyq bildirip, qyzmetkerdiń ústeliniń ústine túkirip jibergenin kórýge bolady.
«Azamattarǵa arnalǵan úkimet» memlekettik korporatsııasynyń Almaty bólimshesiniń baspasóz qyzmetinen málim etkendeı, oqıǵa 26 qyrkúıek kúni Maılın kóshesinde ornalasqan №2 mamandandyrylǵan Halyqqa qyzmet kórsetý ortalyǵynda boldy.
«Bizdiń tarapymyzdan qyzmet alýshyǵa qatysty qajetti sharalar qabyldanatyn bolady. Bul is boıynsha bizde barlyq aqparat bar. Materıaldy quqyq qorǵaý organdaryna beremiz», - dep habarlady memlekettik korporatsııadan.
