AvtoHQKO-lar júrgizýshi kýáligin alý protsedýrasyn qatańdatty

ASTANA. QazAqparat – Zańsyz kómek usynatyn deldaldardyń jolyn kesý maqsatynda mamandandyrylǵan Halyqqa qyzmet kórsetý ortalyqtarynda júrgizýshi kýáligin alý protsedýralary qatańdatyldy. QazAqparat bul týraly Sybaılas jemqorlyqqa qarsy is-qımyl agenttigine silteme jasap habarlaıdy.
None

Sybaılas jemqorlyqqa qarsy qyzmet Іshki ister mınıstrligimen birlesip, mamandandyrylǵan Halyqqa qyzmet kórsetý ortalyqtary qyzmetine monıtorıng júrgizdi. Oǵan sebep birneshe jyl boıy kólik quraldaryn zańsyz resimdeýmen aınalysqan qylmystyq topqa qatysty qylmystyq ister boldy.

Monıtorıng barysynda avtokólikterdi tirkeý men júrgizýshi kýálikterin zańsyz berýdiń sharttary anyqtalǵan.

Aqparattyq júıelerdiń osaldyǵy, protsesterdiń jetkiliksiz tsıfrlandyrylýy, kólikti tirkeý protsedýrasynyń jetildirilmegendigi, emtıhandardy qabyldaýdaǵy quqyqtyq olqylyqtar, avtomektepterde atústi oqytý – osy faktorlardyń barlyǵy zańsyz deldaldyq qyzmetterdiń paıda bolýyna yqpal etken

, - delingen Antıkor málimetinde.

Monıtorıng nátıjeleri boıynsha Sybaılas jemqorlyqqa qarsy is-qımyl agenttigi ýákiletti memlekettik organdardyń atyna 22 usynys joldaǵan. Qazirgi tańda usynystardyń jartysynan kóbi oryndalǵan.

Máselen, ІІM óziniń barlyq aýmaqtyq bólimshelerinde avtokólik quraldarynyń derekqor bazasyna túzetý engizý múmkindigin japty.

Sonymen qatar Іshki ister mınıstriniń buıryǵymen júrgizýshi kýálikterin berý rásimi kúsheıtildi. Onda emtıhan alýshylardyń mindetti bıometrııasy men testileýdiń barlyq protsesin vıdeotirkeý engizildi, emtıhandardy qaıta tapsyrý reglamenti ózgertildi.

Budan bólek, pılottyq rejımde avtoHQKO men ІІM-de jańa aqparattyq júıeler iske qosyldy. Júıede avtomobılderdiń derekterin, mindetti tólemder men alymdardy, aıyppuldardy avtomatty tsıfrlyq salystyrý tetikteri kózdelgen, kez kelgen túzetýler úshin múmkindikter alynyp tastaldy.

Osy rette mamandandyrylǵan HQKO qyzmetkerlerin sybaılas jemqorlyq quqyq buzýshylyq sýbektilerine jatqyzý usynyldy. Zań jobasy QR Parlamentinde qaralýda. Qabyldanyp jatqan sharalarǵa qaramastan, mamandandyrylǵan HQKO-larda qujattardy resimdeýge kómek usynatyn tulǵalar áli de bolýy múmkin. «Kómekshilerdiń» zańsyz qyzmetterine júginbeýdi suraımyz. Osyndaı faktilerge tap bolǵan jaǵdaıda 1424 qysqa nómiri boıynsha Antıkorǵa dereý habarlaý qajet

, - dedi Antıkordan.


Сейчас читают