Avtohımııa: Qazaqstanda avtokólikterge arnalǵan muzdatpaıtyn shyny jýǵyshtar óndirile bastady
ASTANA. KAZINFORM — Qazaqstandyq jas ǵalymdar avtokólikterge arnalǵan muzdatpaıtyn shyny jýǵyshtar jasap shyqty. Bul týraly QR Ǵylym jáne joǵary bilim mınıstrligi málim etti.
Tehnologııany «Tekhno_Company_2022» JShS mamandary ázirledi.
Mamandardyń aıtýynsha, etılenglıkol/sý qospasy negizgi suıyqtyq retinde, al nanofıdti alý úshin nanobólshekter retinde sılıkagel tańdalady. Jumys barysynda sılıkagel qospalarynyń bazalyq suıyqtyqtyń qatý temperatýrasyna áserin baǵalaý júrgizildi jáne etılenglıkol/sý bazalyq suıyqtyǵyna sılıkagel nanobólshekteriniń shamaly qospalary olardaǵy spırt quramyn tıisinshe -20 °S, -30°S jáne -40°S qatý temperatýralary úshin 3,6%, 4,05% jáne 4,55% tómendetýge múmkindik beretini anyqtaldy.
«Ázirlengen shyny tazalaǵyshtyń suıyqtyǵynda qaýipti metan jáne ızopropıl spırt qosylystary joq, allergııa men jaǵymsyz ıisterdi týdyrmaıdy. Innovatsııalyq suıyqtyqty serııalyq óndirý jylyna 135 tonna nemese 45 myń dana kóleminde júzege asyrylady, bul qala ishindegi naryq qajettilikterin qamtıdy. Ónimder kóptegen analogtardan asyp túsedi jáne qosylǵan quny joǵary, QR patentimen qorǵalǵan. Joba QR Ǵylym jáne joǵary bilim mınıstrliginiń Ǵylym qorynyń qoldaýymen, ǴǴTQN kommertsııalandyrý jobalaryn granttyq qarjylandyrý sheńberinde iske asyrylyp otyr», — delingen habarlamada.
