Avtogol «Astananyń» «Galatasaraımen» esepti teńestirýine kómektesti - 1:1
ASTANA. QazAqparat - ÝEFA Chempıondar lıgasynyń toptyq kezeńinde óz alańynda Túrkııanyń «Galatasaraı» komandasyna qarsy oınap jatqan «Astana» 78-shi mınýtta esepti teńestirdi. "Astananyń" fýtbolshysy Jýnıor Kabananganyń tepken dobyn "Galatasaraıdan" Hakan Balta óz qaqpasyna kirgizip aldy, sóıtip esep teńesti.
Budan buryn Túrkııanyń «Galatasaraı» komandasynan Bılal Qısa "Astana" qaqpasyna dop salyp, matchtyń 31 mınýtynda esep ashqan bolatyn. Osylaısha, oıynnyń 80-shi mınýtynda match 1:1 eseppen jalǵasýda.
Matchty əlemniń 53 arnasy tikeleı efırden taratýda. Myńdaǵan qazaq jankúıerimen birge Astana komandasyn Olımpıada chempıony Serik Səpıev te qoldaýǵa kelgeni belgili boldy. «Astana» komandasy Qazaqstannyń fýtbol komandalary arasynda ÝEFA Chempıondar Lıgasynyń toptyq kezeńine shyqqan tuńǵysh komanda.
