Avtobýstyń qalaısha qorshaýda qalyp qoıǵany tekserilýde - ІІM
NUR-SULTAN. QazAqparat – Іshki ister mınıstri Erlan Turǵymbaev Almaty oblysyndaǵy jolaýshylar poıyzy men avtobýstyń soqtyǵysyna qatysty tergeý amaldary qalaı júrgizilip jatqanyn aıtty, dep habarlaıdy QazAqparat tilshisi.
«Atalǵan temirjol ótkeli baǵdarshammen, shlagbaýmmen jáne ótip ketýdi boldyrmaıtyn tehnıkalyq qurylǵylarmen jabdyqtalǵan. ıAǵnı, shlagbaým jabylǵan kezde kólikti ótkizbeıtin metall qurylǵy avtomatty túrde kóteriledi. Avtobýs qalaısha qorshaýda qalyp qoıdy – osyny anyqtap jatyrmyz», - dedi Erlan Turǵymbaev OQK-daǵy brıfıngte.
Avtobýs qazirgi tańda saraptamaǵa berilgen. Sonymen birge, elordadaǵy teplovozdy da mamandar tekserýde.
«Qazirgi ýaqytta temir joldyń jaı-kúıin baqylaýshynyń kinási bar ma, joq pa – tekserilip jatyr. Ol sol jerde júrip, soqtyǵystyń bolmaýy boıynsha shara qabyldaý kerek bolatyn», - dedi Erlan Turǵymbaev.
Eske sala ketsek, keshe Shamalǵan stantsııasynda poıyz ben avtobýs soqtyǵysqan bolatyn. Aldyn ala boljam boıynsha, avtobýs temir joldyń relsine shyǵyp ketken. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bóliminde jatyr. Onyń ekeýi bala. Qazir atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra óz baqylaýyna aldy. QR Prezıdenti Qasym-Jomart Toqaev Aqseńgir-Shamalǵan temirjol ótkelinde poezd ben avtobýs soqtyǵysynan japa shekkenderdiń týǵan-týystaryna kóńil aıtty.
