Avtobýsty denesimen toqtatqan polıtseı týraly Qyzylorda oblystyq ІІD túsinik berdi

Beınede kórsetilgen derek 2015 jyldyń 11 qańtarynda keshki saǵat 17:50 shamasynda Qyzylorda qalasynda bolǵan.

№13 baǵyttaǵy N 176 BRA 11 nómirli qoǵamdyq avtokóligin QR Ákimshilik quqyq buzýshylyq kodeksiniń 599-baby boıynsha quqyq buzýshylyq jasap, baǵdarshamnyń qyzyl túsine ótip ketkeni úshin polıtsııa qyzmetkerleri toqtatqan.

Alaıda, qoǵamdyq avtokólik júrgizýshisi polıtsııa qyzmetkerleriniń zańdy talabyna baǵynbaǵan. Polıtsııa avtoekıpajy qoǵamdyq kóliktiń sońyna túsip, toqtap turǵan jerinen júrgizýshige quqyq buzý deregin eskerte otyryp, qujattaryn talap etken. Alaıda, júrgizýshi zańdy talapty oryndamaı, jolaýshylardyń ómiri men densaýlyǵyna qaýip tóndirip, júrip ketpek bolǵan. Polıtsııa qyzmetkerleri avtobýstyń aldyna shyǵyp, ekinshi serigi polıtsııa qyzmetkerleriniń zańdy talabyna baǵynbaǵan júrgizýshini kólikten túsirip alady.

1990 jyly týǵan qoǵamdyq avtokólik júrgizýshisine qatysty QR ÁQBtK-niń 599-baby boıynsha (baǵdarshamnyń tyıym salatyn sıgnalyna nemese retteýshiniń tyıym salatyn qımylyna qaramaı ótý) ákimshilik hattama toltyrylǵan. Sonymen qatar, QR Qylmystyq kodeksiniń 379-baby «bılik ókiline baǵynbaý» deregi boıynsha qylmystyq is qozǵalyp, sotqa deıingi tergep-tekserý amaldary júrgizilýde.

Bul týraly OІІD baspasóz qyzmeti habarlady.