Avtobýstar toqtady: Qaraǵandy oblysynyń ákimdigi dızel tapshylyǵyna túsinik berdi
Qaraǵandy oblysynyń ákimi Jeńis Qasymbektiń aıtýynsha, dızel otynynyń tapshylyǵyna baılanysty jaǵdaı sheshilýde. Qoǵamdyq kólikti otynmen qamtamasyz etý basym tártippen júzege asyrylýda.
«Senbi kúni Úkimette osy másele boıynsha selektorlyq keńes ótkizildi. Óńirlerge janar-jaǵarmaı belsendi jetkizilýde. Energetıka mınıstrliginiń málimetinshe, jaqyn arada Pavlodar munaı óńdeý zaýytynda jóndeý jumystary aıaqtalady. Demalys kúnderi avtoparkterge qosymsha dızel otyny keldi. Qoǵamdyq kólikterdi otynmen qol rejıminde qamtamasyz etý júrip jatyr», – dedi oblys basshysy onlaın ótken apparat keńesinde.
Demalys kúnderi Qaraǵandyda qalalyq baǵyttarda júretin avtobýstardyń úshten bir bóligi jolǵa shyqpady. Bul jaǵdaıǵa janarmaı quıý beketterinde dızel otynynyń bolmaýy sebep boldy.
