Avtobýstaǵy jarylystan 2 adam mert bolyp, 32-si jaralandy
ASTANA. QazAqparat - Qytaıdyń ońtústigindegi Gýanchjoý qalasynda avtobýs jarylyp 2 adam mert boldy, sonymen birge 32 adam jaraqat aldy, dep habarlady sheteldik BAQ.
Jolaýshylar kóligi seısenbi kúni jergilikti ýaqyt boıynsha 19:30-da stansaǵa kireberiste jarylǵan. Kúıik shalyp, jaraqat alǵandardyń basym bóligi - aıaldamada avtobýs kútip turǵan jolaýshylar. Jaraqattanǵan 8 jolaýshynyń jaǵdaıy tym múshkil. «Men jarylys bolǵanyn estidim, al 5 mınýttan keıin avtobýs qyzyl jalynǵa orandy», - deıdi aman qalǵan jolaýshylardyń biri.
Polıtsııa osy oqıǵaǵa baılanysty tergeý amaldaryn bastady.
Aıta keteıik, osy aıdyń ishinde Qytaıda avtobýstyń órtenýi saldarynan 32 adam jaraqat alǵan. Ol kezde jolaýshylardyń biri jol qapshyǵyna órt qaýipti suıyqtyq quıyp, jaǵyp jibergen. Polıtsııa onyń bul áreketin tanymal bolý úshin jasaǵan qadam dep málimdegen edi.
