Avtobýstaǵy sheneýnikter áleýmettik jelide tanymal boldy
ASTANA. QazAqparat - Astanada taǵy bir sheneýnik avtobýs qyzmetin paıdalandy, dep habarlaıdy QazAqparat.
Astana qalasy ákiminiń birinshi orynbasary Sergeı Horoshýnnyń avtobýsta túsken sýretin jýrnalıst Igor Mosýnov áleýmettik jelige ornalastyrdy.
Buǵan deıin Astana qalalyq jastar saıasaty máseleleri basqarmasynyń basshysy Ashat Oralov óziniń Facebook-tegi paraqshasynda №25 baǵyttaǵy avtobýstyń kondýktorymen túsken sýretin jarııalaǵan edi.
Aıta keteıik, Astana ákimi Áset Isekeshev elorda ákimdiginde bolǵan májilisterdiń birinde qala basshylaryna qoǵamdyq kólikpen júrýdi tapsyrǵan bolatyn. «Elorda basshylary, qala ákiminen bastap, onyń orynbasarlary, aýdan ákimderi men olardyń orynbasarlary, sondaı-aq basqarma basshylary, uıymdar men mekemelerdiń jetekshileri kúnine eń quryǵanda bir ret qoǵamdyq kólikpen júrýleri kerek», - dedi qala basshysy.
FOTO Facebook-ten alyndy.
