Avtobýstaǵy máselelerdi bilemiz – Alekseı Tsoı qoǵamdyq kólikpen sońǵy ret qashan júrgenin aıtty

NUR-SULTAN. QazAqparat – QR Densaýlyq saqtaý mınıstri Alekseı Tsoı sońǵy ret qashan qoǵamdyq kólikke mingeni týraly tilshiler suraǵyna jaýap berdi, dep habarlaıdy QazAqparat.

«Ótken jyly balalarymmen birge avtobýsta júrgen edim. Al qazir ondaı múmkindik joq, óıtkeni táýlik boıy jumysta júrmiz. Biraq biz qoǵamdyq kólikte jolaýshylar tyǵyzdyǵy boıynsha problema bar ekenin kórip otyrmyz, keı jerde reısterdiń jıiligi sáıkes kelmeıdi. Bul jumysty árbir ákimdikpen birge júrgizip jatyrmyz jáne jergilikti jerlerdegi naqty jaǵdaıdy da bilemiz», - dedi mınıstr Ortalyq kommýnıkatsııalar qyzmetinde ótken brıfıngte.

Mınıstr Ashyq qosymshasyna meıramhanalar nege birinshi kezekte qosylǵanyn túsindirdi.

«Munda biz baǵdarlamanyń qyzmet aıasyn keńeıtip, qarastyryp jatyrmyz. Biraq basty nazar azamattar maskasyz uzaq ýaqyt otyratyn uıymdarǵa aýdarylady. Nelikten biz meıramhanalardy birinshi kezekte aldyq? Sebebi azamattar ústel ústinde maskasyn sheshedi, aýrý juqtyrý qaýpi bolady. (...) Avtobýstarda maska taǵý rejımi bar. Munda azamattardyń turý uzaqtyǵy tamaqtaný oryndaryndaı úlken emes. Biz sondaı-aq basqa da nysandardyń Ashyq-qa qosylý múmkindigin qarastyryp jatyrmyz», - dep túıindedi Densaýlyq saqtaý mınıstri.