«Avtobýstaǵy kontsert»: Semeıde qoǵamdyq kólik júrgizýshilerin ónerpaz jastar erekshe quttyqtady
ASTANA. KAZINFORM — Semeı qalasynyń ónerpazdary Eńbek kúnine oraı qoǵamdyq kólik júrgizýshilerine erekshe qurmet kórsetip, olardy merekecimen quttyqtady.
Qoǵamdyq kólik júrgizýshileri halyqtyń bir jerden ekinshi jerge ýaqtyly jetýin qamtamasyz etip, qalanyń tynys-tirshiligin saqtap turǵan negizgi mamandyq ıeleri.
Merekelik shara barysynda ónerpazdar júrgizýshilerge arnap án-jyrdan shashý shashyp, jyly lebizderin bildirdi.
Júrgizýshilerdiń qalanyń tirshiligin qamtamasyz etýdegi mańyzdy róli men halyqqa kórsetip júrgen qyzmeti qurmetke laıyqty ekeni basa aıtyldy.
Qoǵamdyq kólik júrgizýshileri bul quttyqtaýlardy rızashylyqpen qabyldap, sharaǵa qatysqan ónerpazdarǵa alǵystaryn jetkizdi. Olardyń aıtýynsha, mundaı sharalar kúndelikti tynymsyz eńbekti moıyndap, rýhanı kúsh berip, alda yntamen jumys isteýge úlken serpin beredi.
Sharanyń basty maqsaty — júrgizýshilerdiń eńbegin dáriptep, olardyń qoǵamdyq ómirdegi rólin aıryqsha atap kórsetý, sondaı-aq qalalyq turǵyndarǵa kúndelikti yńǵaıly jáne qaýipsiz qyzmet kórsetýge atsalysatyn árbir mamannyń eńbegin baǵalaý boldy.
