Avtobýsta janjal shyǵarǵan júrgizýshi jumystan ketetin boldy
ALMATY. QazAqparat - Almatyda «GreenBus» JShS basshylyǵy avtobýs júrgizýshileri arasyndaǵy tóbeleske qatysty túsinikteme berdi, dep habarlaıdy QazAqparat tilshisi.
Kompanııa dırektory Baýyrjan Kýlıshev № 48 avtobýs júrgizýshisi jumystan qýylatynyn aıtty.
«Bizde avtobýs marshrýttary arasynda janjal jıi bolady. Olar kóbine ıntervaldy buzady, jolaýshylardy kóbine kóbirek salyp alýǵa tyrysady, bir-birimen jarysady. Júrgizýshiler marshrýtqa sekýndomermen shyǵady. Olarda ózara ınterval bar. Ony bireýler buzǵan jaǵdaıda osyndaı tóbeles shyǵady. №45 avtobýs júrgizýshisi men kondýktory jumystan qýylady» -, dedi B.Kýlıshev.
Aıta ketý kerek, Almatyda №48 jáne №16 avtobýs júrgizýshileri eregisip qaldy. Tóbelestiń vıdeosy eap_kz pablıginde jarııalanǵan.
Jolaýshylardyń aıtýynsha, eki kólik Tóle bı kóshesimen shyǵysqa qaraı jarysyp kele jatqan.
«Jol boıynda avtobýstardyń júrgizýshileri ursysyp kele jatty. Jumalıev kóshesindegi aıaldamaǵa kelgende qatty aıǵaılasty, jaman sóz aıtty. Sosyn Baıtursynov kóshesine kelgende №48 avtobýstan júrgizýshi men kondýktor túse ketip, №16 avtobýstyń salonyna kirdi. Tóbeles bastalyp ketti», - dedi jolaýshy Ásel Dúısenbaeva.
Onyń aıtýynsha, jolaýshylar júrgizýshini 10 mınýt kútýge májbúr boldy.
