Avtobýsta oqýshy qyzǵa tıisken 26 jastaǵy kúdikti ustaldy - Qostanaı
QOSTANAI. QazAqparat - Qostanaı qalasynda qoǵamdyq kólik ishinde 11 jasar qyzǵa tıisken 26 jastaǵy kúdikti qolǵa tústi, dep habarlaıdy QazAqparat.
Bul fakti boıynsha oblystyq polıtsııa departamentiniń baspasóz qyzmeti resmı málimdeme jasady.
«Qostanaı qalasy turǵynynyń kámeletke tolmaǵan qyzyna qatysty quqyqqa qarsy áreketter jasaý týraly aryzy boıynsha polıtseıler 26 jastaǵy er adamdy ustady. Ol mas kúıinde 11 jasar qyzǵa tıisken», - deıdi vedomstvonyń baspasóz qyzmetindegiler.
Qazirgi ýaqytta osy iske qatysty sotqa deıingi tergep-tekserý amaldary júrip jatyr.
