Avtobýsta maska taǵýdan bas tartqan qyzǵa 83 myń teńge aıyppul salyndy
ALMATY. QazAqparat - Almatyda avtobýsta maskasyz otyrǵany úshin eskertý alǵan qyz ashýǵa boı aldyrdy, dep habarlaıdy QazAqparat tilshisi.
Polıtsııa qoǵamdyq kólikterdegi karantın sharalaryn buzý derekterin baqylaýǵa aldy.
Bul vıdeo áleýmettik jelide jarııalandy.
Maskasyz otyrǵan úshin qyzǵa avtobýs jolaýshylary, júrgizýshisi eskertý jasaǵan. Ózin beınekameraǵa túsire bastaǵanda qyz ashýlanyp bylapyt sóz aıtyp, telefondy laqtyrǵan.
Jergilikti polıtsııa qyzmeti basqarmasy tekserý júrgizdi, onyń barysynda qyzdyń kim ekendigi anyqtaldy.
«Zańǵa sáıkes shara qoldaný úshin ol polıtsııaǵa jetkizildi. Bul 22 jastaǵy Alataý aýdanynyń turǵyny bolyp shyqty. Oǵan birden eki ákimshilik is qozǵaldy. QR ÁQbK-niń 425 baby «Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normalardy buzý» boıynsha 83 myń teńge kóleminde aıyppul salyndy (30 AEK). Sonymen qatar, QR ÁQbK-niń 434 baby – usaq buzaqylyq boıynsha materıaldar sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna jiberiledi», – dedi Almaty qalalyq PD jergilikti polıtsııa qyzmeti basqarmasynyń bastyǵy Manap Sattarov.
