Avtobýsta burynǵy áıelin pyshaqtamaq bolǵan almatylyq qamaýǵa alyndy
ALMATY. QazAqparat – Almatyda avtobýsta burynǵy áıelin pyshaqtamaq bolǵan er adam qamaýǵa alyndy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, atalǵan fakti QR qylmystyq kodeksi 293-babynyń 3-bóligi (Buzaqylyq) boıynsha sotqa deıingi tergep-tekserýdiń biryńǵaı tizilimine tirkeldi.
«Prokýratýranyń kelisimimen, kúdikti ýaqytsha ustaý ızolıatoryna qamaldy. Sot-medıtsınalyq saraptama taǵaıyndaldy. Keshendi tergeý sharalary júrip jatyr. Nátıjesi boıynsha protsessýaldy sheshim qabyldanady», - dep habarlady polıtsııadan.
Buǵan deıin Almatyda er adam qoǵamdyq kólikte burynǵy áıeline pyshaq salmaq bolǵany týraly jazǵan bolatynbyz.
Sondaı-aq, búgin Almaty ákimi áıeldi qutqarǵan Raıymbek Medetbekti marapattady.
