Avtobýsta balalar arbasyn jınamasa, jolaýshyǵa aıyppul salyna ma
ASTANA. KAZINFORM — Balalar arbasymen avtobýstarǵa kirýge tyıym salynǵany týraly taralyp jatqan málimdemeler shyndyqqa sáıkes kelmeıdi, dep habarlaıdy Kólik mınıstrliginiń baspasóz qyzmeti.
Qoldanystaǵy qaǵıdalar ata-analardyń balalar arbasymen qoǵamdyq kólikte júrýine tyıym salmaıdy.
Avtomobıl kóligimen jolaýshylar men bagajdy tasymaldaý qaǵıdalaryna engizilgen ózgeristerge sáıkes, avtobýs salony shamadan tys tolǵan jaǵdaıda, ata-anaǵa arnalǵan bos oryn bolǵan kezde balalar arbasyn jınalǵan kúıde alyp júrý kózdelgen. Bul rette arba jolaýshylardyń erkin qozǵalýyna kedergi keltirmeýi tıis.
Atalǵan talap jolaýshylardyń, onyń ishinde balalar men olardy alyp júretin ata-analardyń qaýipsizdigin qamtamasyz etýge, sondaı-aq avtobýs salonyndaǵy erkin ótý jolyn saqtaýǵa baǵyttalǵan.
— Eger ata-anaǵa balalar arbasyn jınaý qolaısyz bolsa, ol saparyn arbany jaıylǵan kúıinde jalǵastyra alady. Bul rette aıyppul salý, jolaýshyny avtobýstan túsirý nemese ózge de sanktsııalar qoldaný kózdelmegen, — delingen habarlamada.
Buǵan deıin Qostanaı avtobýstarynda qolma-qol tólem toqtatylýy múmkin ekenin jazǵanbyz.
