Avtobýsta aıaǵy synǵan almatylyq keıýananyń jaǵdaıy belgili boldy
ALMATY. QazAqparat - Almaty dárigerleri avtobýsta aıaǵy synǵan zeınetker áıeldi otaǵa daıyndap jatyr. Bul týraly qalalyq Qoǵamdyq densaýlyq basqarmasynyń baspasóz qyzmeti málim etti, dep habarlaıdy QazAqparat tilshisi.
Mamandardyń aıtýynsha, 60 jastaǵy zeınetker aýrýhanaǵa sol jaq aıaǵynyń 2 jilinshigi, sol jaq asyqty jiligi synyp ketken.
«Qazir áıel aýrýhanada jatyr. Jaǵdaıy birqalypty ortasha. Aıaǵynyń isigi qaıtty. 7-10 kún aralyǵynda jilinshik súıekteriniń osteosıntezi jasalady», - dedi dárigerler.
Aıta ketý kerek, oqys oqıǵa 6 mamyrda Almatyda bolǵan. №405 avtobýs júrgizýshisi kenetten tejegishti basqanda kóliktegi jolaýshylar oryndyqta otyrǵan 60 jastaǵy áıeldiń ústine qulaǵan. Ústinen aýyr salmaq basqan Aıjan Karmenovanyń aıaǵy synyp ketken.
Avtobýs júrgizýshisi QR Ákimshilik kodeksiniń eki baby boıynsha aıypqa tartylady. Bul bap boıynsha ol júrgizýshi quqyǵynan aırylyp, 40 AEK kóleminde aıyppul tóleýi múmkin.
Zeınetkerdiń aıaǵyn emdetýge jumsalatyn barlyq shyǵyndy Almatynyń avtoparki kóterip alatyn boldy.
