Avtobýs júrgizýshileriniń densaýlyǵyn «kreslo» tekseretin boldy
ALMATY. QazAqparat - Almatyda qoǵamdyq kólik júrgizýshileriniń densaýlyǵyn oryndyqtary tekseretin boldy. Bul týraly qalalyq Mobıldilik basqarmasy basshysynyń orynbasary Qanat Baıqońyrov aıtty, dep habarlaıdy QazAqparat tilshisi.
«Elimizde avtobýs júrgizýshileriniń densaýlyǵyna baılanysty jol apattary jıi beleń alyp keledi. Osyǵan baılanysty Almatyda jaz sońyna deıin júrgizýshilerdiń densaýlyǵyn tekseretin elektrondy júıe oılastyrylyp jatyr. Bul qural júrgizýshilerdiń ýaqytsha jumysqa qabiletiniń joqtyǵyn nemese qabiletti ekenin medıtsınalyq turǵydan tekseredi», - dedi facebook-tegi paraqshasynda Qanat Baıǵońyrov.
Arnaıy datchıktermen jabdyqtalǵan oryndyq adamnyń arterıaldy qan qysymyn, tamyr soǵysyn, temperatýrasyn anyqtaıtyn bolady.
Sonymen qatar, alkogoldik jáne esirtki zattaryn qoldanǵanyn kórsetip bere alady.
Bul aqparat arnaıy júıemen óńdelip bolǵan soń, júrgizýshige kólik tizgindeýge ruqsat beriledi.
Elektrondy júıe júrgizýshilerdiń kesirinen bolatyn jol apattaryn tómendetýge múmkindik beredi.
