Avtobýs júrgizýshileri joldan qulaqqap kıip ótetinderge alańdaıdy - SQO
PETROPAVL. QazAqparat – Soltústik Qazaqstan oblysynyń polıtseıleri qoǵamdyq kólik júrgizýshilerimen ózekti máselelerdi talqylady, dep habarlaıdy QazAqparat.
Polıtsııa departamenti baspasóz qyzmetiniń habarlaýynsha, bul kezdesýdiń maqsaty – jolaýshylar tasymalynda tártip ornatý.
«Petropavldyq júrgizýshiler kóshede qulaqqap kıip nemese qalta telefonymen sóılesip júretinderdiń alańdatatyndyqtaryn aıtty. Qalalyqtardyń mundaı jaýapsyzdyqtary apatqa uryndyrýy yqtımal. Bul kúni boıy rýlde otyratyn júrgizýshilerdiń qalypty jumys isteýlerine kedergi keltiredi», - dep atap ótti baspasóz qyzmetinde.
Sondaı-aq kóktaıǵaqtyń bastalýy da aıaldamalarda qosymsha qıyndyqtar týdyrady. Soǵan baılanysty júrgizýshiler udaıy qum men tuz aralasqan qospa sebýdi ótindi.
«Kezdesýde qozǵalǵan barlyq máselelerdi polıtsııa baqylaýǵa alatyn bolady. Bundaı júzdesýler jol qaýipsizdigin arttyrýǵa óz kómegin tıgizetindigi sózsiz»,- deıdi baspasóz qyzmetinde.
Avtor:
Olesıa Jýkoven
