Avtobýs júrgizýshileri tarapynan ereje buzýshylyqtardyń jolyn kesý - basty maqsat
ASTANA. Tamyzdyń 9-y. QazAqparat - Jol polıtsııasy qyzmetkerleri qabyldaǵan sharalarǵa qaramastan, elimizdiń avtojoldarynda jolaýshylar kóliginiń júrgizýshilerimen jol qozǵalysy erejelerin óreskel buzýshylyqtar tyıylmaı otyr, dep habarlaıdy QR ІІM Jol polıtsııasy komıtetinen.
Respýblıka aýmaǵyna kiretin avtobýstardyń kópshiliginde jolaýshylar sany belgilengen normatıvterden asady. Júrgizýshiler avtobýstardy mas kúıde, sondaı-aq kýálikterinde sáıkes kategorııasy joq basqarý faktileri oryn alady.
Kóbinese atalǵan buzýshylyqtar jol-kólik oqıǵasynyń bolýyna sebep bolady.
Máselen, 2010 jylǵy tamyzdyń 5-inde saǵat 20.00-de Jambyl oblysynyń aýmaǵynda «Almaty - Tashkent» avtojolynyń 351-shi shaqyrymynda Jambyl oblysy ІІD Jol polıtsııasy ınspektorlarymen Qyrǵyzstan Respýblıkasy azamatynyń basqarýyndaǵy SangIong mıkroavtobýsynyń júrgizýshisi toqtatyldy. Avtobýs salonyndaǵy jolaýshylar sany belgilengen normatıvterden aıtarlyqtaı artyq boldy. Jolaýshylardy tasymaldaý erejelerin buzǵany úshin júrgizýshige qatysty, QR ÁBQkQ 463-babynyń 1-bóligi boıynsha ákimshilik hattama toltyryldy.
Qaraǵandy oblysynda jol polıtsııasy ınspektorlarymen mas kúıde jolaýshylardy tasymaldaǵan avtobýs júrgizýshisi ustaldy. Aǵymdaǵy jylǵy tamyzdyń 5-inde 21.04 saǵatta Úshtóbe kentiniń aýmaǵyndaǵy «Ekaterınbor - Almaty» avtojolynda Qaraǵandy oblysynyń ishki ister basqarmasy jol polıtsııasy jeke batalonynyń qyzmetkerleri mas kúıdegi júrgizýshiniń basqarýymen «Mersedes» markaly avtobýsty ustady. Avtobýs «Astana - Shymkent» baǵyty boıynsha qozǵalyp, onyń salonynda 49 jolaýshy boldy.
