Avtobýs júrgizýshileri kinásinen qansha jol apaty boldy

NUR-SULTAN. QazAqparat – QR Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov avtobýs júrgizýshileri kinásinen qansha jol apaty bolǵanyn aıtyp berdi, dep habarlaıdy QazAqparat.

«Qazir elimizde árbir úshinshi avtobýs (84 703 avtobýstyń 25 823-i) 20 jyldan astam ýaqyt boıy paıdalanylyp keledi. Avtobýs júrgizýshileriniń kinásinen 87 jol-kólik apaty oryn aldy, onda 9 adam qaza taýyp, 111 adam jaraqat aldy», - dedi Serik Túsipov mınıstrlikte ótken onlaın brıfıngte.

Onyń aıtýynsha, eski avtobýstardyń basym bóligi (71% nemese 18 346) jeke tulǵalardyń ıeliginde kezdesedi.

«Olar turaqty emes marshrýttarda jumys isteıdi jáne kópshiligi qaýipsizdik erejelerin buza otyryp qaıta jabdyqtalǵan. Jyl saıyn polıtsııa qyzmetkerleri turaqty emes tasymaldaýǵa paıdalanylǵan 500-700-ge jýyq qaıta jabdyqtalǵan avtobýsty anyqtaıdy. Sondyqtan tehnıkalyq aqaýy bar nemese qaıta jabdyqtalǵan kólikti anyqtaý jumystary turaqty negizde jalǵasady», - dep atap ótti Serik Túsipov.