Avtobýs júrgizýshileri altyn áshekeılerdi Úrimjiden Qazaqstanǵa jasyryn ótkizbek boldy
ASTANA. QazAqparat - Qazaqstan - Qytaı shekarasynda ornalasqan «Maıqapshaǵaı» baqylaý-ótkizý beketiniń shekara jasaǵy «Úrimji - Semeı» baǵytynda ketip bara jatqan avtobýstyń eki júrgizýshisin ustady.
QR UQK Shekara qyzmetiniń baspasóz qyzmeti habarlaǵandaı, shekaralyq baqylaý kezinde kóliktiń aldyńǵy qanatynyń astynan salmaǵy 670 keli 800 gr bolatyn qosalqy bólshekter, 2 keliden asatyn zergerlik zattar: 823 dana syrǵa, 29 dana - júzik, 20 dana - alqa tabyldy.
Atalǵan derek boıynsha quqyqqorǵaý organdary habarlandyryldy. Kontrabandalyq zattar «Maıqapshaǵaı» keden beketiniń qoımasyna tapsyryldy.
