Avtobýs júrgizetin áıelder jumysyna birde-bir shaǵym túspegen
ASTANA. QazAqparat - «Astana LRT» basshysy Bekmyrza Igenberdınov arýlar tizgindegen qoǵamdyq kólikterge minip, júrgizýshilerdi 8 naýryzben quttyqtady, dep habarlaıdy QazAqparat.
«Búgin Halyqaralyq áıelder kúni qarsańynda, «Astana LRT» kompanııasynyń basshysy Bekmyrza Igenberdınov elordalyq qoǵamdyq kólikterdi júrgizetin áıelderdi quttyqtady. Ujymda asqan tájirıbeli 9 áıel-júrgizýshi bar. Olardyń minsiz jumysyna birde-bir shaǵym túspegen», - dep jazdy uıymnyń baspasóz qyzmeti Facebook paraqshasynda.
Bekmyrza Igenberdınov te júrgizýshilerdiń jumysyn maqtady.
«Olar avtobýsty óte muqııat júrgizedi, qyraǵy jáne eń bastysy - sypaıy. Osyndaı qıyndyǵy mol qyzmette olarǵa baqyt pen sáttilik tileımin», - dedi kompanııa basshysy.
