Avtobýs jolaýshylary maska taǵýǵa mindetti me
«Birqatar óńirde qoǵamdyq kólikterdiń qatynaı bastaýyna baılanysty 10 mamyrda jaryq kórgen Qaýlymda mindetti talap bar. Ol - qoǵamdyq kólikte mindetti túrde maska taǵýdy kózdeıdi. Qoǵamdyq kólik tuıyqtalǵan keńistik jáne jolaýshy bastapqydan sońǵy aıaldamaǵa deıin barynsha uzaq júrýi múmkin. Koronavırýs ınfektsııasy óte jyldam taraıtynyn bilemiz. ıAǵnı, vırýs joǵary túıdekti ári tez juǵady. Sondyqtan qoǵamdyq kólikte maska taǵý mindetti bolýy tıis», - dedi bas sanıtarlyq dáriger Ortalyq kommýnıkatsııalar qyzmetindegi brıfıngte.
Onyń atap ótýinshe, bul talap avtobýstar júrgizýshilerine de qatysty. Buǵan qosa, qoǵamdyq kólikterde zalalsyzdandyrý jumystarynyń júrgizilýi saqtalyp, barlyq esikteri mindetti túrde ashylýy tıis.
«Búginde qoǵamdyq kólikter toly bolmaýy tıistigi týraly talap qoıyp otyrmyz. Jolaýshylar áleýmettik ara qashyqtyq saqtaý normasyn múmkindiginshe oryndaýy úshin jaǵdaı jasalýy qajet. ıAǵnı, avtobýstarda oryndyqtary ǵana toly bolýy kerek», - dedi Aıjan Esmaǵambetova.