Avtobýs jolaǵymen júrgen júrgizýshilerge jarty mlrd teńge aıyppul salyndy
ALMATY. QazAqparat – Almatyda avtobýs jolaǵyna shyǵyp ketken júrgizýshilerge 569 mln teńge kóleminde aıyppul salyndy, dep habarlaıdy QazAqparat tilshisi.
Qalalyq Polıtsııa departamentiniń málimetinshe, júrgizýshiler jyl basynan 75 myń ret avtobýs jolaǵyna shyǵyp ketken.
Atap aıtqanda, Abaı dańǵylynda 11 250 zańbuzýshylyq tirkelgen. Bul kóshede ereje buzǵan júrgizýshilerge 85 mln teńge aıyppul salynǵan.
Tóle bı kóshesinde 33 445 derek tirkelgen. Kólik ıeleri 253 mln teńgelerinen qaǵyldy.
Al Raıymbek dańǵylynda júrgizýshiler erejeni 21 646 ret buzyp, olarǵa 164 mln teńge aıyppul jazyldy.
«Sondaı-aq jyl basynan beri Altynsarın, Jeltoqsan, Naýryzbaı kóshelerinde 8859 jol erejesin buzý deregi tirkeldi. Nátıjesinde, 67 mln 106 myń 925 teńge aıyppul salyndy», - dedi polıtsııadan.
