Avtobýs úıge soǵyldy: Qostanaıda jol apatynan áıel kóz jumdy
QOSTANAI. QazAqparat – Qostanaı oblysynyń Zatobol kentinde jolaýshylar avtobýsy turǵyn úıge soǵyldy, dep habarlaıdy QazAqparat alau.kz saıtyna silteme jasap.
Óńirlik Polıtsııa departamentiniń málimetine sáıkes, oblys ortalyǵynyń irgesindegi aýylda jolaýshylar avtobýsy men Volkswagen Tiguan jeńil kóligi soqtyǵysty. Keıin avtobýs turǵyn úıdiń qorshaýyn buzyp ótip, úıdiń ózine soǵylǵan.
Aımaqtyq Densaýlyq saqtaý basqarmasynyń aqparaty boıynsha, avtokólikte 60 jastaǵy áıel júrgizýshi bolǵan. «Ol qaýipsizdik beldigin taqpaǵan, oryndyq pen paneldiń arasyna qysylyp qalǵan. Bas mıy zaqymdanyp, qabyrǵalary synǵan. Ony qaraý kezinde demi úzilip, júregi toqtady. Jaraqaty tym aýyr boldy», - dedi basqarmadan.
Al 42 jastaǵy avtobýs júrgizýshisine «qabyrǵalarynyń jabyq synyǵy, denesiniń soǵylýy» dıagnozy qoıyldy».
Foto: «Qostanaı jańalyqtary»