Avtobýs shyńyraýǵa qulap, birneshe adam ajal qushty
ASTANA. QazAqparat - Sheshenstandaǵy Vedenskıı aýdanynda "Gazel" shaǵyn avtobýsy shyńyraýǵa qulady. Apat saldarynan jeti adam mert bolyp, altaýy jaraqattandy.
«Jol-kólik apaty saldarynan jeti adam qaza taýyp, altaýy túrli dene jaraqattarymen aýrýhanaǵa jatqyzyldy, dep habarlaıdy TASS agenttigi respýblıka shuǵyl qyzmetindegi derekkózge silteme jasap. Zardap shekkenderdiń arasynda úsh áıel, eki er adam jáne bir bala bar.
Keleńsiz jaǵdaı Harachoı eldi mekeninen 15 shaqyrymdaı jerdegi kólik jolynda bolǵan. Oqıǵa ornynda Reseı TJM qyzmetkerleri jumys isteýde.
