Avtobýs pen teplovozdyń soqtyǵysýynan áıeldiń buǵanasy synyp ketken - Qaraǵandy oblysy
ASTANA. QazAqparat - Qaraǵandy oblystyq densaýlyq saqtaý basqarmasynyń baspasóz hatshysy teplovoz ben avtobýstyń soqtyǵysy saldarynan zardap shekkenderdiń jaǵdaıy týraly aıtyp berdi, dep habarlaıdy «QazAqparat» HAA tilshisi.
«Keshe saǵat 12:51 shamasynda jedel járdem qyzmetiniń stantsııasyna qońyraý kelip tústi. Zardap shekkender úshin dárigerlerdiń eki brıagadasy shyǵyp, oqıǵa ornyna 3-4 mınýttyń ishinde jetti. 47 jastaǵy áıeldiń buǵanasynyń synǵany anyqtalyp, ol birden Maqajanov atyndaǵy klınıkaǵa jiberildi. 17 jastaǵy boıjetkenniń mıy shaıqalyp, qasy jyrylyp ketken. Ony dárigerler oblystyq medıtsınalyq ortalyqqa apardy», - dedi basqarmanyń baspasóz hatshysy Aıjas Isa.
Aıjan Isa, úshinshi zardap shegýshini Medıtsınalyq apattar ortalyǵynyń qyzmetkerleri qaraǵandyqtan, onyń qazirgi jaǵdaıy týraly aqparat bere almaıtynyn jetkizdi. Ol ortalyq Tótenshe jaǵdaılar departamentine qarasty.
«Bizdiń brıgada kelgen kezde ol patsıent oqıǵa ornynda joq bolatyn», - dedi baspasóz hatshysy.
Eske sala ketsek, Qaraǵandy oblysynda teplovoz ben avtobýs soqtyǵysqan bolatyn. Jol-kólik oqıǵasy saldarynan úsh zardap shegýshi aýrýhanaǵa jetkizilgen.
