Avtobýs pen teplovoz apaty: Zardap shekkenderdiń jaǵdaıy aıtyldy

ALMATY. KAZINFORM — Almatynyń Almaly aýdanynda № 88 baǵyttaǵy qoǵamdyq kólik pen teplovoz soqtyǵysty. Oqıǵa saldarynan zardap shekkenderdiń sany jetige jetti.

Almaty qalasy Qoǵamdyq densaýlyq saqtaý basqarmasynyń málimetine sáıkes, zardap shekken 80 jastaǵy naýqas oń jaq qabyrǵalarynyń synyǵy, bilek súıegi synyǵy dıagnozymen Qalalyq jedel shuǵyl kómek kórsetý aýrýhanasyna jatqyzyldy. Onyń jaǵdaıy aýyr, biraq turaqty dep baǵalanady.

Bir naýqas Almaty kópbeıindi klınıkalyq aýrýhanasyna jetkizilgen. Qalǵan jolaýshylar mamandar tekserýinen keıin úıge jiberilgen.

— Bes naýqasta qajetti zerthanalyq-aspaptyq zertteýler júrgizilip, mamandardyń tekserýinen keıin shuǵyl aýrýhanaǵa jatqyzý belgileri anyqtalǵan joq. Olar turǵylyqty jeri boıynsha bekitilgen emhanaǵa ambýlatorlyq baqylaýǵa jiberildi, — dep habarlady basqarmadan.

Eske salaıyq, buǵan deıin saǵat 11:40–ta Almatyda avtobýs pen teplovoz soqtyǵysqanyn jazǵanbyz.