Avtobýs parkterindegi tekseris: Tarazda 25 laýazymdy tulǵa jaýapqa tartyldy
TARAZ. KAZINFORM — Jambyl oblysynda avtobýs parkiniń 25 laýazymdy tulǵasy jaýapkershilikke tartyldy. Bul týraly Polisia.kz jazdy.
Jolaýshylar tasymaly qaýipsizdigin qamtamasyz etý jáne tehnıkalyq aqaýy bar kólik quraldaryn paıdalanýǵa jol bermeý maqsatynda Jambyl oblysynyń polıtsııa qyzmetkerleri avtobýs parkterinde tekserý jumystaryn júrgizgen.
Baqylaý is-sharalary barysynda jolaýshylar kóliginiń tehnıkalyq jaı-kúıine, júrgizýshilerdiń mindetti reıs aldyndaǵy medıtsınalyq tekserýden ótýine, sondaı-aq avtokásiporyndardyń laýazymdy tulǵalary tarapynan zańnama talaptarynyń saqtalýyna erekshe nazar aýdarylyp otyr.
— Tekserý nátıjesinde tehnıkalyq aqaýy bar kólik quraldaryn jelige shyǵarǵany úshin 25 laýazymdy tulǵa jaýapkershilikke tartyldy. Avtobýstardyń tehnıkalyq jaǵdaıy jolaýshylar men jol qozǵalysynyń basqa da qatysýshylarynyń qaýipsizdigine tikeleı áser etedi. Sebebi jol ústindegi kez kelgen aqaý apatqa jáne aýyr saldarǵa ákelýi múmkin, — delingen habarlamada.
Eske sala keteıik, buǵan deıin Jambyl oblysynda perzenthanadaǵy ana ólimine baılanysty jospardan tys tekserý bastalǵan edi.