Avtobýs ózenge qulap, úsh adam qaza tapty
ASTANA. QazAqparat - 45 adam, onyń ishinde 43-i týrıst mingen avtobýs QHR-diń soltústik batysyndaǵy Tıbet avtonomııalyq ólkesi aýmaǵynda ózenge qulady.
Qaıǵyly oqıǵa saldarynan úsh adam mert bolyp, 13-i habar-osharsyz joǵaldy. Bul týraly jergilikti bılikke silteme jasaı otyryp Sınhýa agenttigi habarlady.
Apat jergilikti ýaqytpen saǵat 11:20-da oryn aldy, 29 adam aman, qutqarý jumystary jalǵasýda. "Chjýngo sınven" agenttiginiń derekterine súıensek, Tıbet astanasy Lhas qalasynan Nıngchı okrýgine bara jatqan týrıstik avtobýstyń aýdarylýyna aldyńǵy dóńgelektiń tesilýi sebep bolǵan. Sonyń saldarynan kólikti basqarý múmkin bolmaı, aýdarylyp, jol mańynda aǵyp jatqan ózenge qulaǵan.
