Avtobýs órti: Jábirlenýshiler ózbekstandyq eki kýágerdiń sotqa qatysýyn surady
AQTÓBE. QazAqparat - Aqtóbede avtobýs órtine qatysty sot otyrysy órtip jatyr. Ózbekstandyqtar tiri qalǵan eki kýágerdiń sotqa qatysýyn surady, dep habarlaıdy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotynda avtobýs órtine qatysty is qaralyp jatyr. Jábirlenýshi Ábdirashıd Isametdınov balasy men jıeni úshin sotqa qatysyp, jaýap berdi. Ol balasyn kýáger Ahrom Isaqov jumysqa ornalastyramyn dep alyp ketkenin, ol qyzmeti úshin árqaısysynan 100 dollar alatynyn jetkizdi.
«Men kýáger Ahrom Isaqovpen úsh ret kezdesip, oqıǵany suradym. Ol sol kúni uıyqtap, tús kórgenin, kózin ashqanda shalbarynyń balaǵy janyp jatqanyn kórgen. Olardyń ýlanbaǵanyn, janyp ketkenin aıtty. «Qutqarýǵa barmadyń ba» dep suraǵanda júrgizýshiler ustap qalǵanyn jetkizdi. Qazir sotqa ol qatyspaı otyr. Men oqıǵanyń anyq-qanyǵyn bilý úshin eki ózbekstandyq kýáger men qashyp júrgen avtobýs ıesiniń sotqa qatysýyn talap etemin»,- dedi Abdrashıd Isametdınov.
Óz sózinde jábirlenýshi balasynyń baılanys nómiri áli qosýly turǵanyn, habarlamalar jetetinin surap, áli de kóńilinde kóp kúdik bar ekenin jetkizdi.
Aıta keteıik, sot otyrysy kezinde jábirlenýshi tarap naqty moraldyq-materıaldyq talap qoımaıtynyn, bul suraqty jıi qoımaýyn surady. Al jábirlenýshi B.Tadjahmetov avtobýstyń buzylyp, jolǵa josparlanǵan ýaqyttan bir kúnge kesh shyqqanyn balasynan bilgen.
«Júrgizýshiler aıypty bolýy múmkin. Olar der kezinde kómekke shaqyrmady. Yrǵyz aýylyna barýǵa, jaıaý júrýge keńes bermegen. Aýylǵa barǵanda bári aman qalar edi»,- dedi B.Tadjahmetov.
Qazirgi kezde jábirlenýshilerdiń barlyǵy aman qalǵan eki ózbekstandyqtyń sotqa qatysyp, jaýap berýin surap otyr.
«Aqtóbege kelgen 11 adam sotqa qatyspas buryn Yrǵyz aýdanyndaǵy oqıǵa bolǵan jerge aıaldady. Ol jerde jartylaı jatqan kúrteshe tabyldy. Bárin sýretke túsirip aldym. Biz áli senbeı otyrmyz»,- dedi 20 jasta qaza bolǵan ózbekstandyqtyń ákesi B. Hakımov.
