Avtobýs órti: Bas prokýratýra sotqa Ózbekstannan taǵy kimderdiń qatysatynyn naqtylaıdy
AQTÓBE. QazAqparat - Aqtóbede avtobýs órtine qatysty sot otyrysy jalǵasty. Áli kúnge deıin sot otyrysyna jábirlenýshilerdiń qansha ókili qatysatyny belgisiz, dep habarlaıdy QazAqparat tilshisi.
Avtobýs órtine qatysty sot otyrysyna búgin jábirlenýshiniń eki ókili qatysty. Hatamov pen Madrahımov balalary men baýyrynan aıyrylǵan. Sotqa qatysqan soń Ózbekstannyń Namanǵan aýdanynyń 20 turǵynynan senimhat ákeldi. Olar sotqa qatysa almaıtynyn, jábirlenýshilerge qatań jaza surap, 150 mıllıon teńge moraldyq shyǵyn talap etetinin jetkizdi.
«Sotqa taǵy qansha jábirlenýshiniń ókili keletini belgisiz. Bas prokýratýraǵa ótinish berip, Ózbekstan prokýratýrasynan qansha adamnyń keletinin naqtylaýdy suradyq. Jumys júrip jatyr»,- dedi prokýror Osman Orynbasaruly.
Eske salsaq, avtobýs órtine qatysty «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý», «Órt qaýipsizdigi talaptaryn buzý», «Mindetterine adal qaramaý», «Kólik quraldaryn sapasyz jóndeý nemese olardy tehnıkalyq aqaýlarymen paıdalanýǵa shyǵarý» baptarymen úsh júrgizýshi jáne mehanık, quryltaıshy aıyptalyp jatyr. Olar: Nurjan Qyrǵyzbaev, Maqsat Pernebekov, Barat Tańatov, Nurlybek Tilepbaev, Bahadúr Perdebaevtar.
