00:27, 15 Maýsym 2024 | GMT +6
«Avtobýs qumǵa batqan»: Almaty oblysynda qutqarýshylar Ulybrıtanııadan kelgen týrısterge kómektesti
QONAEV. KAZINFORM - Almaty oblysynyń qutqarýshylary sheteldik týrısterge kómektesti. Ózge el azamattary mingen avtobýs jol boıynda qumǵa batyp qalǵan.
«Almaty oblysynyń Qonaev qalasynda demalys aımaǵynyń janynda ishinde 20 adam bar avtobýs qumǵa batyp qalǵan bolatyn. Olardyń barlyǵy Ulybrıtanııa memleketinen kelgen týrıster edi. Shaqyrý ornyna kelgen qutqarýshylar avtokólikti avtojoldyń tazartylǵan ýchaskesine súırep shyǵardy. Zardap shekkender joq. Medıtsınalyq kómek qajet bolmady», - dep habarlaıdy TJM baspasóz qyzmeti.
Aıta keteıik, buǵan deıin Almaty oblysynda 40 shaqty týrıst mingen avtobýs apatqa ushyraǵanyn jazǵan edik.
Sondaı-aq avtobýstyń aýdarylyp ketýine jol bergen júrgizýshi qamaýǵa alynǵanyn jazǵanbyz.
