Avtobýs kópirden qulap, 11 adam ajal qushty
ASTANA. 7 shilde. QazAqparat - Nepaldyń ortalyq aýdanyndaǵy kópirden avtobýs qulady. Saldarynan kem degende 11 adam qaza tapty.
Associated Press habarlaǵandaı, jol kólik oqıǵasy Nepaldyń astanasy Katmandýdan batysqa qaraı 150 shaqyrym jerde oryn alǵan. Aldyn ala derekterge súıensek, kólik júrgizýshisi aldynan júgirip ótken balalardy soǵyp ketpeý úshin joǵary jyldamdyqpen kele jatqan avtobýsty shuǵyl toqtatýǵa májbúr bolǵan. Saldarynan avtobýs kópirdiń jaqtaýyna soǵylyp, ózenge qulaǵan.
Qazir oqıǵa ornynda izdeý-qutqarý jumystary júrgizilip jatyr.
