Avtobýs qaqqan qyz aýrýhanada kóz jumdy - Qostanaı
QOSTANAI. QazAqparat - Qostanaı qalasynda avtobýs qaǵyp ketken boıjetken aýrýhananyń jansaqtaý bóliminde kóz jumdy, dep habarlaıdy QazAqparat tilshisi.
Jol-kólik oqıǵasy búgin saǵat 13.00 shamasynda oblys ortalyǵyndaǵy Altynsarın kóshesinde boldy. Oblystyq densaýlyq saqtaý basqarmasynyń qoǵammen baılanys bóliminiń menedjeri Ksenııa Jylqybaeva aıtqandaı, avtobýs jaıaý júrginshiler jolaǵynda qyz balany qaǵyp ketti.
«Ol ártúrli jaraqattarmen qalalyq aýrýhanaǵa jetkizildi. Denesine túsken jaralar tereń jáne synyqtar da kúrdeli boldy. Dárigerler jábirlenýshiniń ómirin aman saqtap qala almady", - dedi ol.
Al oblystyq polıtsııa departamenti bul iske qatysty tergeý jumystaryn júrgizip jatyr.
