«Avtobýs buzylyp qalǵan»: Aqtóbe oblysynda 55 Ózbekstan azamaty meshitke ornalasty

Aqtóbe oblysynda «Samara-Shymkent» respýblıkalyq mańyzy bar avtojolynyń 965 shaqyrymynda «Tashkent-Kazan» qatynasymen júretin jolaýshylar avtobýsy buzylyp qaldy. Avtobýs ishinde 55 Ózbekstan azamaty bolǵan, dep habarlaıdy Kazinform Tótenshe jaǵdaılar mınıstrligi baspasóz qyzmetine silteme jasap. 

TJD kúshterimen jolaýshylar Qarabutaq aýylynyń meshitine kóshirildi, olarǵa medıtsıalyq kómek qajet bolmady.

«Azamattarǵa aýa raıynyń ózgerýin qadaǵalaýǵa, aýa raıynyń nasharlaýy jáne avtojoldarda avtokólik qozǵalysyna shekteýler qoıylǵan kezinde jolǵa shyqpaýǵa keńes beremiz. Avtokóliktiń tehnıkalyq jaǵdaıyn qadaǵalańyzdar», - dedi Tótenshe jaǵdaılar mınıstrliginen.