Avtobýs bagymen 1,5 tonna janarmaıdy shekara asyrmaq bolǵan qyrǵyzstandyq ustaldy
ASTANA. QazAqparat - Qyrǵyz-qazaq shekarasynda shekarashylar 1,5 tonna kontrabandalyq janarmaıdy ustady, dep habarlaıdy QazAqparat «Kabar» agenttigine silteme jasap.
Qyrǵyzstan memleketti shekara qyzmetiniń BAQ jáne qoǵammen baılanys bóliminiń málimetinshe, 9 mamyrda «Chon-Kapka avtojoly» baqylap-ótkizý beketinde shekarashylar ruqsat qujaty joq janarmaıdy anyqtaǵan.
1982 jylǵy Qyrǵyzstan azamaty B.K. Qazaqstannan Qyrǵyzstanǵa «Ford Transit» markaly avtobýsynda ornalasqan qosymsha baktar arqyly ruqsat qujattary joq 1 500 lıtr dızel otynyn ótkizbekshi bolǵan.
Ustalýshy Qyrǵyzstannyń Ekonomıkalyq qylmysqqa qarsy kúres boıynsha memlekettik qyzmeti aýmaqtyq bólimsheleriniń qyzmetkerlerine tapsyryldy.
