Avtobýs aýdarylyp, 22 adam zardap shekti, ekeýiniń jaǵdaıy aýyr
ASTANA. QazAqparat - AQSh-taǵy Florıda shtatynda sársenbi kúni bolǵan jol-kólik apaty saldarynan kem degende 22 adam zardap shekken, dep habarlaıdy ABC telearnasy.
Keleńsiz jaǵdaı Haılends okrýginde boldy. Oqýshylardy ákele jatqan avtobýs júk kóligine soqtyǵysqan. Saldarynan 39 oqýshy mingen avtobýs aýdarylyp ketti.
Eki adam aýyr jaraqattanǵan, olar - aýrýhanada.
Polıtsııa oqys oqıǵanyń mán-jaıyn tekserip jatyr. Aldyn ala málimet boıynsha, apatqa júk kóliginiń júrgizýshisi kináli. Ol oqýshylardy túsirip jatqan avtobýsty baıqamaǵan.
