Avtobýs apatynan ajal qushqandar sany 40-tan asty
ASTANA. QazAqparat - Brazılııanyń ońtústiginde týrıstik avtobýs apatynan qaza tapqandar sany 40-qa jetti, dep málimdedi Santa-Katarına shtatynyń áskerı polıtsııasy.
Budan buryn qaıǵyly oqıǵa qurbandarynyń sany 32 dep habarlanǵan.
Jergilikti bıliktiń derekterine súıensek, qazir 42 adamnyń ajal qushqany rastaldy, onyń ishinde balalar da bar.
Aldyn ala derekter boıynsha, avtobýsta 50 jolaýshy bolǵan. Apat ornynda qutqarýshylar brıgadasy jumys isteýde.
Oqıǵanyń sebepteri anyqtalýda. Brazılııalyq G1 jańalyqtar portalynyń boljamynsha, júrgizýshi rýldi basqara almaı qalǵan.
