Avtobýs apaty saldarynan 23 adam ajal qushty
ASTANA. QazAqparat - Brazılııanyń soltústik-shyǵysyndaǵy Seara shtatynda oryn alǵan halyqaralyq avtobýstyń apaty saldarynan kem degende 23 adam ajal qushty, dep habarlaıdy ITAR-TASS.
Jaraqat alǵandar sany naqtylanyp jatyr.Oqıǵa ornynda qutqarý operatsııalary júrgizilýde. Polıtsııanyń málimetterine qaraǵanda, apat kezinde avtobýsta 41 adam bolǵan. Fortaleza qalasynan 115 shaqyrym qashyqtyqtaǵy Kanınde eldi mekeniniń mańynda oryn alǵan qaıǵyly oqıǵanyń kýágerleriniń aıtýynsha, avtobýs júrgizýshisi mototsıklmen soqtyǵysyp qalmas úshin tejegishti shuǵyl basyp qalǵan. Alaıda, aýyr mashınany ıgere almaı, kólik aýdarylyp ketken.
