«Avtobýs» aktsııasynyń alǵashqy 2 kúninde qoǵamdyq kólikter tarapynan 4,5 myń jol erejesin buzý áreketteri anyqtaldy
ASTANA. Maýsymnyń 9-y. QazAqparat /Aıdar Ospanalıev/ - Jol polıtsııasynyń qyzmetkerleri «Avtobýs» saýyqtyrý sharasynyń aıasynda 6 shaqyrym aımaqty qamtıtyn avtobýs baǵyttary boıynsha 366 tekserý júrgizdi.
Nátıjesinde 531 normatıvti-quqyqtyq akti talaptaryn buzý áreketterin anyqtady, dep habarlaıdy QazAqparat.
Mınıstrlik taratqan málimetterge qaraǵanda, atalmysh aktsııa maýsymnyń 7-i bastaldy jáne shara qoǵamdyq kólik júrgizýshileriniń jol erejelerin buzýlarynyń saldarynan bolatyn jaısyz oqıǵalardyń sońǵy ýaqytta kúrt artyp ketýine baılanysty uıymdastyrylyp otyr.
Atalmysh vedomostvonyń derekteri boıynsha, elimizde qoǵamdyq kólik júrgizýshileriniń kesirinen jylyna shamamen 370 jol-kólik oqıǵalary oryn alyp, onyń saldarynan 60 adam mert bolyp, 500 adam dene jaraqattaryn alady. Osyǵan qaraı «Avtobýs» sharasynyń barysynda qoǵamdyq kólik júrgizýsheleriniń, ásirese shaǵyn avtobýstardyń jolda júrý erejelerin óreskel buzý áreketterine baılanysty reıdter uıymdastyrylýda. Aktsııanyń alǵashqy kúninde 4,5 myń jol tártibin buzý áreketteri anyqtalǵan.
