Avtobýs 30 metrlik bıiktikten qulap, 11 adam qaza tapty
ASTANA. QazAqparat - Zabaıkale ólkesinde jolaýshylar avtobýsy apatqa ushyrap, 11 adam qaza tapty. Ony oqıǵa ornynda ajal qushty, al bir aýyr jaralanǵan jandy dárigerler aman alyp qala almady.
40 adam zardap shekken, olardyń ishinde úsheýi kámelettik jasqa tolmaǵan.
Jol-kólik apatyna Ýrlık eldi mekeninde bolǵan shoqyný rásiminen Chıtaǵa qaıtyp kele jatqandar ushyrady.
Apat bolǵan ýchaskede jóndeý jumystary júrgizilip jatqandyqtan qorshaýlar alynyp tastalǵan, eskertý belgileri bolmaǵan. Petrovsk-Zabaıkalskıı aýdany ákimshiligindegiler de kóliktiń trassadaǵy eń kúrdeli, 180 gradýsqa kúrt burylatyn ýchaskeleriniń birinde 30 metr bıiktikten qulaǵanyn aıtýda.
Tergeý komıteti tekserý jumystaryn bastady. TJM tikushaǵy zardap shekkenderdi Chıtaǵa emdeýge jetkizý úshin Petrovsk-Zabaıkalskıı aýdanyna ushyp ketti.
RF Densaýlyq saqtaý mınıstrligindegiler birneshe adamdy tasymaldaý máselesi qaralyp jatqandyǵyn habarlady.
